Shyǵys Qazaqstan oblysynda orman órti táýlik boıy sóndirilýde
ShYǴYS QAZAQSTAN OBLYSY. QazAqparat – Shyǵys Qazaqstan oblysy Besqaraı aýdanyndaǵy orman órtiniń aýmaǵy 2500 gektardy quraıdy, dep habarlaıdy QazAqparat QR ІІM TJK baspasóz qyzmetine siltememen.
«Órtti sóndirý jumystary táýlik boıy júrgizilip jatyr. Órtti sóndirý keshki jáne tańǵy ýaqyttarda (aýa temperatýrasy tómendep, órttiń jaıylýyna qolaısyz jaǵdaı týyndaǵanda) ónimdirek bolyp tur. Orman órtiniń aýmaǵy 2500 gektardy quraıdy. Tańerteń apat aımaǵyn áýeden barlaý júrgizildi» delingen habarlamada.
Órtti sóndirýge oblystyq TJD-dan, «Ertis ormany», «Semeı ormany» memlekettik orman tabıǵı rezervattary, Ulttyq ulannan 100-den astam tehnıka jáne 400-den astam qyzmetker jumyldyrylǵan.
Sý búrký qurylǵylarymen jabdyqtalǵan QR ІІM TJK «Qazavıaqutqarý» AO-nyń Mı-26T tikushaǵy, «Avıatsııamen orman qorǵaý jáne orman sharýashylyǵyna qyzmet kórsetý qazaq bazasy» RMQK-nyń (Qazavıaormanqorǵaý) Mı-8 tikushaǵy órt oshaqtaryna sý shashýda.
Buǵan deıin «Semeı ormany» memlekettik orman tabıǵı rezervatynda qaraǵaıly orman órtenip jatqany habarlanǵan edi.
