Shyǵys Qazaqstan oblysynda mektepterdi jóndeýge 11 mlrd teńge bólindi
NUR-SULTAN. QazAqparat - Shyǵys Qazaqstan oblysynda mektepterdi jóndeýge 11 mlrd teńge baǵyttaldy. Bul týraly atalǵan óńir ákimi Danıal Ahmetov málim etti, dep habarlaıdy QazAqparat tilshisi.
«Shekteý men karantın sharalaryn engizý qadamdary bilim berý júıesine áser etti. Pedagogtarǵa qysqa merzimde qashyqtan bilim berý ádisine beıimdelýge týra keldi. Osy oraıda kompıýteri joq balalar bilim berý baǵdarlamasynan tys qalmaýy úshin qajetti sharalar atqaryldy», - dedi ákim Ortalyq kommýnıkatsııalar qyzmetinde.
Onyń sózine qaraǵanda, oblys mektepterine qosymsha 33,7 myń kompıýter satyp alynyp, osy oraıda kompıýterlik park 54 myńǵa deıin artty.
Jalpy bilim alýshylardyń 90 paıyzdan astamy ınternet jelisine qosyldy.
«Oblysta úsh aýysymdaǵy mektepter máselesi sheshildi, bıyl úsh mektepti paıdalanýǵa berdik. Jumyspen qamtýdyń jol kartasy baǵdarlamasynyń arqasynda 394 jalpy bilim beretin nysynyn jóndeýden ótkizdik. Osy maqsatqa 11 mlrd teńge baǵyttalyp, bul ótken jyldarǵa qaraǵanda bes ese artyq», - dedi D. Ahmetov.
Budan buryn habarlanǵandaı ShQO ákimi oqýshylardyń koronavırýs juqtyrý jaǵdaılaryna túsinik berdi.
