Shyǵys Qazaqstan oblysynda qutqarýshylar vaktsına alyp jatyr
ÓSKEMEN. QazAqparat – Shyǵys Qazaqstan oblysynda qutqarýshylarǵa koronavırýsqa qarsy vaktsına salynýda, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, bir kúnde 50-den astam qyzmetker vaktsına aldy.
«Vaktsınatsııadan buryn barlyǵy medıtsınalyq tekserýden ótedi. Eger qarsy kórsetilimder bolmasa, qutqarýshylar ekpe saldyrýǵa jiberiledi. 21 kúnnen keıin vaktsınatsııanyń ekinshi komponenti egiledi. Sondaı-aq árbir ekpe alýshyǵa jadynama beriledi», - dep habarlady vedomstvo ókilderi.
Aıta keteıik, qutqarýshylar osal top sanatyndaǵylardyń qatarynda. Óıtkeni apattyq-qutqarý nemese aldyn alý jumystaryn júrgizý barysynda olar halyqpen tyǵyz baılanysta jumys isteıdi. Sondyqtan vaktsınatsııa vırýs juqtyrý qaýpin azaıtý jáne qaýipsizdikti qamtamasyz etý úshin qajet.
