Shyǵys Qazaqstan oblysynda koronavırýs juqtyrý kórsetkishi qandaı
Bul týraly Ortalyq kommýnıkatsııalar qyzmetinde Shyǵys Qazaqstan oblysy ákiminiń orynbasary Shákárim Buqtuǵutov málim etti, dep habarlaıdy QazAqparat tilshisi.
«Shyǵys Qazaqstan oblysynda koronavırýstyń taralýyna baılanysty jaǵdaı birtindep turaqtanýda. Pandemııa bastalǵannan beri oblys aýmaǵynda barlyǵy 43528 KVI jaǵdaıy tirkeldi, onyń ishinde 33617 jaǵdaı (77%) klınıkalyq sımptomdarmen, 9911 jaǵdaı (23%) sımptomsyz. 100 myń turǵynǵa shaqqanda syrqattaný kórsetkishi – 3193,5 (respýblıkalyq kórsetkish – 4633,8) qurady», - dedi Sh. Buqtuǵutov.
Onyń aıtýynsha, sońǵy aptada aldyńǵymen salystyrǵanda syrqattanýshylyqtyń 0,5 paıyzǵa tómendegeni baıqaldy. Epıdemıologııalyq jaǵdaıdy baǵalaý matrıtsasy boıynsha Shyǵys Qazaqstan oblysy «sary» aımaqta ornalasqan. 21 qyrkúıektegi jaǵdaı boıynsha táýlik ishinde KVI-diń 103 jańa jaǵdaıy tirkeldi, onyń ishinde 91-iniń klınıkalyq belgileri bar.
«Medıtsınalyq kómek kórsetý úshin oblysta 113 rentgen-apparat, 18 KT kabınet jumys isteıdi. 12 medıtsınalyq uıymda ottegi magıstraldaryn ortalyqtandyrý jáne 24 ottegi stantsııasyn ornatý júrgizilgen. Oblystyń medıtsına uıymdary 1182 ottegi kontsentratorymen, 1200 ottegi ballonymen, 630 ÓJJ apparatymen, 609 tósek janyndaǵy monıtormen, 4 EKMO apparatymen jabdyqtalǵan», - dedi oblys ákiminiń orynbasary.
Onyń sózine qaraǵanda, ınfektsııalyq statsıonarlardyń tolyq júktemesi kezinde dárilik preparattar men jeke qorǵanysh quraldarynyń qory 2 aıǵa jetedi.
