Shyǵys Qazaqstan oblysynda qoqys tógetin oryn órtenip jatyr
GLÝBOKOE AÝDANY. QazAqparat – Shyǵys Qazaqstanda qoqys tógetin oryn oryn taǵy órtenip jatyr, dep habarlaıdy QazAqparat ShQO Tótenshe jaǵdaılar departamentiniń baspasóz qyzmetine silteme jasap.
Vedomstvoda keshe túnde saǵat 22:12-de órt sóndirýshilerge Glýbokoe aýdanynyń Opytnoe pole kentindegi qoqys tastaıtyn jerde 1 ga aýmaqty qamtyǵan órt bolyp jatqany týraly habarlama kelip túsken. Jalynnyń bıdaı egistigin sharpý qaýpi bar ekeni aıtylǵan.
«Oqıǵa ornyna №7 órt sóndirý bóliminiń 12 qyzmetkeri men 5 órt sóndirý kóligi jiberildi. Jalyn saǵat 5:15-te aýyzdyqtaldy. Qazirgi kezde órtpen kúres júrgizýshiler ony tolyq joıý jumystaryn jalǵastyryp keledi», - dep túsindirdi ShQO TJD-nen.
Qoqys tastaıtyn orynnyń órtenýi múmkin eki sebep qarastyrylýda – bul abaısyzdyqtan bolǵan nemese ádeıi órteý.
