Shyǵys Qazaqstan oblysynda katodty mys óndiretin iri zaýytty iske qosý josparlanýda

ÓSKEMEN. QazAqparat - Shyǵys Qazaqstan oblysynda katodty mys óndiretin iri zaýytty iske qosý josparlanýda, dep habarlaıdy QazAqparat Úkimettiń resmı saıtyna silteme jasap.

QR Premer-Mınıstri Álıhan Smaıylovtyń tóraǵalyǵymen ótken keńeste taý-ken metallýrgııa keshenin damytýdyń ózekti máseleleri qaraldy.

Atap aıtqanda, Shyǵys Qazaqstan oblysynda qýattylyǵy jylyna 300 myń tonna katodty mys balqytý zaýytyn salý josparlary talqylandy. Jobany iske asyrý Qazaqstanǵa eleýli sheteldik ınvestıtsııalar men jańa tehnologııalardy tartýǵa, sondaı-aq myńnan astam turaqty jumys oryndaryn qurýǵa múmkindik beredi. Jańa zaýyt Qazaqstan eksportyn ulǵaıtýǵa eleýli úles qosady.

Keńeske qatysýshylar salyq salý, elektrmen jabdyqtaý, ınvestorlardyń quqyqtaryn qorǵaý, sheteldik jumys kúshin tartý, jalpy respýblıka zańnamasynyń ekologııalyq talaptary men normalaryn saqtaý máselelerin qozǵady.