Shyǵys Qazaqstan oblysynda kásipkerler et óńdeıtin zaýyt salady
ÓSKEMEN. QazAqparat - Shyǵys Qazaqstan Kúrshim aýdanynda usaq jáne iri qara mal men jylqy etin óńdeıtin zaýyt salynady. Joba kásipkerlerdiń qarajatyna salynady, dep habarlady óńirdiń aqparattyq ortalyǵyna silteme jasap «QazAqparat» HAA tilshisi.
«Aryn» aýyl sharýashylyǵynyń ıeleri et óńdeıtin zaýytty Qaratoǵaı aýylynda salady. Josparlanǵan qýaty - jylyna 8 mln teńgeniń 10 tonna shujyǵy, 5,5 mln teńgeniń 17 myń dana konservi ónimi.
Kúrshim aýdanynyń ákimi Seısenǵazy Shoqaev «ǵımarattar salynyp bitti, almatylyq fırmalarmen tehnologııalyq jabdyq boıynsha kelisim jasaldy. Zaýytty ekinshi jartyjyldyqta iske qosý josparlanýda» ekenin aıtty.
