Shyǵys Qazaqstan oblysynda karantın shekteýi 16 tamyzǵa deıin uzartyldy
ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 16 tamyzǵa deıin uzartyldy. Shekteý sharalarynyń merzimi oblys aýmaǵynda COVID-19 ınfektsııasynyń taralýy boıynsha ahýaldyń ózgerýine sáıkes qaıta qaralýy múmkin.
Ashyq jobasyna qatysatyn nysandar úshin birqatar jeńildik engizilgen. Naqty aıtqanda, saýda úıleri jumys kúnderi shekteýsiz jumys istese, senbi jáne jeksenbide saǵat 10.00-den 22.00-ge deıin ashyq bolady. Qoǵamdyq tamaqtaný obektilerine jappaı otbasylyq, saltanatty (banket, úılený toıy, mereıtoı) jáne basqa da is-sharalardy ótkizbeı jáne toltyrylýyn 50%-dan asyrmaı, 50 adamǵa deıin saǵat 07.00-den 02.00-ge deıin jumys isteýge ruqsat etilgen», - delingen qujatta.
Sondaı-aq sport keshenderi, jattyǵý zaldary, basseın, ıoga jáne SPA ortalyqtarynyń jumys isteýine bolady. Tek sport keshenderi men sport-saýyqtyrý ortalyqtary 30 adamǵa deıin, eki komponentpen vaktsınatsııalanǵan adamdardy qabyldaıdy.
«Qalaaralyq, oblysaralyq, oblysishilik turaqty avtobýs qozǵalysyna ruqsat berilgen. Qalalar men eldi mekender ishindegi qoǵamdyq kólikter demalys jáne mereke kúnderin qospaǵanda, barlyq kúnderi qatynaıdy. Demalys jáne mereke kúnderi qoǵamdyq kólik tańerteń saǵat 8.00-den 10.00-ge deıin, keshke saǵat 18.00-den 20.00-ge deıin jelige shyǵatyn kólik sanyn arttyra otyryp jumys isteıdi. Sonymen qatar balalar saýyqtyrý lagerlerine jalpy toltyrylýyn 50%-dan asyrmaı jumys isteýge ruqsat etilgen», - delingen qaýlyda.
