Shyǵys Qazaqstan oblysynda karantın engiziledi
ÓSKEMEN. QazAqparat – Shyǵys Qazaqstan oblysynda 18 sáýirden bastap karantın engililmek, dep habarlaıdy QazAqparat tilshisi.
Bul jaıly aımaq basshysy Danıal Ahmetov óziniń Facebook jelisindegi paraqshasynda jazdy.
«Oblystyq jedel shtabtyń sheshimi boıynsha 18 sáýir kúni saǵat 00.00-den bastap ShQO aýmaǵynda karantın engiziledi. Rejım eldegi tótenshe jaǵdaı rejımi aıaqtalǵanǵa deıin sozylmaq. Sol ýaqyt aralyǵynda oblys aýmaǵyna kirip-shyǵý múmkindigi shekteledi. Karantın kezinde keıbir jumys berýshiler qyzmetkerleriniń eńbekaqysyn saqtap, qashyqtan jumys isteýge jiberýi kerek. Osy rette jedel shtab qyzmetin toqtatýy tıis kásiporyndardyń tizimin tolyqtyrdy», - deıdi ákim.
Onyń aıtýynsha, Óskemen men Semeıde engizilgen shekteýler kezinde kásip ıeleri qosymsha kóliktermen qamtamasyz etilgen.
«Keıbir kásipkerler ruqsattamany maqsatsyz paıdalanyp júr. Tipti, ruqsat qaǵazdarynyń satylǵany týraly naqty aqparattar bar. Meniń ótinishimmen, Sybaılas jemqorlyqqa qarsy is-qımyl departamenti tekserý júrgizýde. Olar ruqsat qaǵazdaryn berýde qyzmetin asyra paıdalanǵan memlekettik qyzmetkerlerdiń zańsyz áreketteriniń jolyn kesip, tıisti sharalardy qabyldaıdy», - dedi Danıal Ahmetov.
