Shyǵys Qazaqstan oblysynda qar kóshkini júrdi

ÓSKEMEN. QazAqparat – Shyǵys Qazaqstan oblysynda qar kóshkini júrdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, 5 qańtarda oblystyq mańyzy bar «Óskemen-Taýly Úlbi-Soltústik» tasjolynyń ýchaskesinde qar kóshkini júrdi.

Jalpy kólemi 600 tekshe metr qar túsken.

«Atalǵan jol kóshkin qaýpine oraı aldyn ala jabylǵan bolatyn. Qazirgi ýaqytta ýchaskeni tehnıka tazartyp júr. Sodan keıin de jol jabyq kúıinde qalady», - dep habarlady vedomstvo ókilderi.

Sonymen qatar búgin «Óskemen-Altaı» tasjolynda jasandy jolmen qar kóshkini túsirilgen.

Barlyǵy 4 ret jarylys jasalyp, 8200 tekshe metr qar tústi.

Aıta keteıik, óńirdegi taýly jerlerde 8 qańtarǵa deıin qar kóshkini júrý qaýpi saqtalady.

Foto: TJM baspasóz qyzmeti