Shyǵys Qazaqstan oblysynda qar kóshkini qaýpi eskertildi
ASTANA. QazAqparat – Shyǵys Qazaqstan oblysynda qar kóshkini bolýy yqtımal. Oblystyq TJD eskertý jarııalady, dep habarlaıdy QazAqparat organnyń baspasóz qyzmetine silteme jasap.
«Qolaısyz meteojaǵdaılarǵa baılanysty qar túrinde mol jaýyn-shashynnyń jaýýy jáne oblystyń taýly aýdandarynda jeldiń kúsheıýine baılanysty qar kóshkinderiniń ózdiginen túsýi múmkin. Kóshkin qaýpi 26-28 qarasha aralyǵynda saqtalady.
Oblys aýmaǵynda 497 qar kóshkini jıyny tirkelgen, onyń ishinde 325 oshaq 71 obektige qaýip tóndiredi: 44 turǵyn úıge, 93 km avtomobıl joldaryna (15 km – respýblıkalyq mańyzy bar, 78 km – oblystyq mańyzy bar). Eń qaýipti baǵyttar – Óskemen-Samar 95-102,132-137 km, Óskemen-Taýly Úlbi 30-37 km, Óskemen-Severnoe-Serebrıansk 58-65 km.
Óńirdegi 5 demalys bazasy kóshkin qaýpi bar aımaqta ornalasqan: Rıdder qalasynda – 2, Taýly Úlbi qalasynda – 3», - delingen oblystyq TJD habarlamasynda.
Osy oraıda, ShQO TJD jáne ShQ «Qazseldenqorǵaý» fılıaly myna is-sharalardy usynady:
- marshrýtqa shyǵý kezinde aýa raıy boljamyn qarastyryńyz. Qar jaýǵanda, boran men daýyl kezinde taýǵa shyǵýǵa bolmaıdy;
- jalǵyz jáne qarańǵy ýaqytta serýendeýge barmańyz. Jaqyndaryńyzǵa, qutqarýshylarǵa marshrýt pen josparlaryńyz týraly habarlaýdy umytpańyz.
Qar kóshkini kezindegi áreket:
- jartastyń, aǵashtyń artyna panalaýǵa tyrysyńyz, jerge jatyńyz, basyńyzdy qolyńyzben qorǵańyz, kıim arqyly dem alyńyz;
- qar kóshkinine túskennen keıin, betinde qalý úshin júzý qımyldaryn jasańyz;
- qarǵa batyrylǵan kezde tizeńizdi asqazanǵa qaraı tartyńyz, qar kóshkini toqtaǵansha kútińiz, ústińgi jáne astyńǵy jaǵyn anyqtańyz jáne shyǵýǵa tyrysyńyz.
Tótenshe jaǵdaı kezinde 112 nómirine habarlasyńyz.
