Shyǵys Qazaqstan oblysynda debat týrnıri ótti
ÓSKEMEN. QazAqparat - Semeıde «Máńgilik el jastary» atty Shyǵys Qazaqstan oblysy ákiminiń syılyǵyna arnalǵan debat týrnıri ótti, dep habarlaıdy «QazAqaparat» HAA.
Almaty, Astana, Pavlodar, Taldyqorǵan, Óskemen, Kýrchatov, Shymkent, Zyrıanovsk qalalary men 7 aýdannan 60 komanda eń myqty pikirsaıysshy ataǵy úshin ózara baq synasýda.
Týrnır Astana qalasynyń 20 jyldyǵyn atap ótý aıasynda júzege asyrylýda. Básekeniń basty ereksheligi ol qazaq, orys jáne aǵylshyn tilderinde ótti. Baıqaýǵa qatysýshy árbir fraktsııa saıysqa ózi qalaǵan tildi tańdady. Talqylaýǵa jatatyn taqyryptar jastar máselelerin qamtıdy. Naqtyraq aıtqanda, olar Qazaqstanda memlekettik jastar saıasatynyń júzege asyrylýy, eldegi jastar uıymdarynyń jumystary, qazaq alfavıtiniń latyn qaripine kóshirilýi sııaqty baǵyttar boıynsha kózqarastarynyń qanshalyqtyń keń ekendigin synady.
Oblystyq aqparat ortalyǵy ókilderiniń habarlaýynsha, búginde debat jastardy eń qatty qyzyqtyratyn baǵyttardyń biri. Óıtkeni ol adamnyń sheshendik qasıetin shyńdap, óz-ózine degen senimdilikti nyǵaıtyp, oıyn ashyq bildire bilýge baýlıdy.
