Shyǵys Qazaqstan oblysynda dala órti jıilep ketti - TJD
ÓSKEMEN. QazAqparat – Shyǵys Qazaqstan oblysynda ótken demalys jáne mereke kúnderinde 36 órt tirkelgen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, kúnniń kúrt ysyp ketýinen oblystyń barlyq aýdandarynda dala shóbi órtenýi jıilep ketti. Demalys kúnderinde jalpy sany 36 órt faktisi oryn alǵan.
«Qyzyl jalyn asa úlken aýmaqty sharpymady. Tilsiz jaý jaıly habar túsken saıyn órt sóndirýshiler dereý oqıǵa ornyna attanyp otyrdy. Kóktem kezinde kúnge tez kebetin byltyrǵy qýraǵan shóp lezde otqa oranatynyn umytpaýymyz kerek. Qoqys jaǵý kezinde órt qaýipsizdigi erejelerin saqtamaǵandarǵa ÁQBtK-niń 336-baby boıynsha ákimshilik jaýapkershilik qarastyrylǵan», - dep habarlady vedomstvo ókilderi.
Osy rette TJ departamenti órt shyqqanyn baıqap qalǵan turǵyndardan birden «101» nómirine habarlasýyn suraıdy.
