Shyǵys Qazaqstan oblysynda bıýdjet qarajatyn jymqyrý faktileriniń joly kesildi

NUR-SULTAN. QazAqparat - QR QM Qarjy monıtorıngi komıtetiniń Shyǵys Qazaqstan oblysy boıynsha Ekonomıkalyq tergeý departamenti «Qazyna» jedel-aldyn alý is-sharasy aıasynda bıýdjet qarajatyn jymqyrý faktilerin anyqtady, dep habarlaıdy QazAqparat.

Jedel-izdestirý is-sharalaryn júrgizý barysynda Departament qyzmetkerlerimen «Ónimdi jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan» «Eńbek» memlekettik baǵdarlamasy aıasynda bıýdjet qarajatyn jymqyrý faktileri anyqtaldy.

Sonymen, ShQO-nyń Glýbokovskıı aýdanynda JShS dırektory azamattardy jumys kúshi artyq aımaqtardan jumys kúshi jetispeıtin aımaqtarǵa qonystandyrý jáne qonys aýdarý týraly jalǵan málimetterdi usynyp, 6,8 mln.teńge kóleminde bıýdjet qarajatyn jymqyrǵany belgili boldy. Shynynda, Baǵdarlamaǵa qatysýshylar (qonys aýdarýshylar) ShQO-nyń aýmaǵynda is júzinde turyp, eńbek qyzmetin júzege asyrmaǵan.

Ulan aýdanynda osyǵan uqsas 13,4 mln. teńge somasynda bıýdjet qarajatyn jymqyrý faktisiniń joly kesildi.

Atalǵan faktiler boıynsha QR QK 189 (senip tapsyrylǵan bóten múlikti ıemdenip alý nemese talan-tarajǵa salý) jáne 190 (alaıaqtyq) baptaryna sáıkes sotqa deıingi tergeý amaldary tirkeldi. Qazirgi ýaqytta tergeý amaldary júrgizilýde.