Shyǵys Qazaqstan oblysynda burshaq túsýi múmkin - 15 tamyzǵa arnalǵan aýa raıy boljamy
ASTANA. 14 tamyz. QazAqparat - Elimizdiń kóptegen aımaqtarynda 15 tamyz kúni jaýyn-shashynsyz aýa raıy kútiledi.
Respýblıkanyń tek soltústik jáne shyǵys bóliginde frontaldyq bólikterdiń ótýimen keıbir jerlerde ótkinshi jańbyr jaýyp, naızaǵaı oınaıdy, burshaq túsýi múmkin, dep habarlaıdy Qazgıdrometke silteme jasaǵan TJM-niń baspasóz qyzmetinen.
Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda, kúndiz Jambyl, Ońtústik Qazaqstan, Atyraý, Batys Qazaqstan oblystarynyń keıbir jerlerinde jel 15-22 m/s jyldamdyqpen soǵýy múmkin. Shyǵys Qazaqstan oblysynda burshaq túsýi yqtımal, Aqmola, Qostanaı, Soltústik Qazaqstan oblystarynda túnde jáne tańerteń keıbir jerlerde tuman túsedi.
Almaty, Qyzylorda, Batys Qazaqstan, Aqtóbe oblystarynda, Ońtústik Qazaqstan oblysynyń keıbir jerlerinde kún qatty ysıdy.
Mańǵystaý oblysynda qatty, keıbir jerlerde óte qatty ystyq bolady dep kútilýde. Atyraý oblysynda kún qatty ysıdy.
Atyraý, Ońtústik Qazaqstan oblystarynda, Jambyl, Almaty, Pavlodar, Qaraǵandy, Shyǵys Qazaqstan oblystarynda tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵys aımaqtarynda sý deńgeıleriniń aýytqýlary kútiledi.
