Shyǵys Qazaqstan oblysynda boran saldarynan áli 80 kólik jolda tur
ASTANA. QazAqparat - Shyǵys Qazaqstan oblysynda boran saldarynan áli 80 kólik jolda tur. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
"Saǵat 11-00-degi jaǵdaı boıynsha kólik quraldary keptelip qalǵan jerde joldyń bir jolaǵy tazalanyp, sol arqyly avtokólikter ótip jatyr. Avtojolda áli de shamamen 80 kólik quraly qaldy. Avtobýstar buǵan deıin Taskesken aýlyna jetkizilgen jolaýshylardyń kelýin kútýde. Olar arnaıy tehnıkalarmen jetkiziledi. "Qazavtojol" kúshimen joldy tazalaý jumystary jalǵasýda", - dedi Nursultan Nurahmetov.
Onyń dereginshe, boran saldaryn joıýǵa 100 maman men 41 tehnıka jumyldyrylǵan.
Buǵan deıin Shyǵys Qazaqstan oblysynda qar qursaýynan 312 adam evakýatsııalanǵanyn habarlaǵan edik.
