Shyǵys Qazaqstan oblysynda bir jylda 38 sport nysany boı kóterdi
Óńirde balalardyń buqaralyq sportpen aınalysýyna jaǵdaı jasaý úshin qosymsha sport sektsııalary ashylyp jatyr. Bul týraly ShQO aqparat ortalyǵynda ótken baspasóz máslıhaty barysynda oblystyq dene shynyqtyrý jáne sport basqarmasynyń basshysy Jandos Saıhanov málim etti.
«Sońǵy eki jylda buqaralyq sport túrleri boıynsha qosymsha 1 505 tegin sport sektsııasy ashyldy. Al, ótken jyly oblys boıynsha 38 sport nysany paıdalanýǵa berildi. Múgedektigi bar jandarǵa arnalǵan sport klýby jumys istep tur. Klýb óz qyzmetin birneshe baǵytta júzege asyrady, atap aıtqanda paralımpıadalyq, sýrdolımpıadalyq qozǵalystar, speshıal olımpıks jáne ıppoterapııa. Qazirgi ýaqytta QR Ulttyq quramasynda Shyǵys Qazaqstannan erekshe qajettilikteri bar 42 sportshy el namysyn qorǵap júr», - dedi ol.
2023 jyl aımaq sportshylary úshin jemisti bastaldy. 3 aıda ShQO sportshylary túrli sport túrleri boıynsha 1 880 medal jeńip aldy, onyń ishinde 642-i altyn, 647-i kúmis, 591-i qola medal.
«31 qańtar men 8 sáýir aralyǵynda Qazaqstan Respýblıkasynyń jastar arasynda 4 qysqy sport oıyndary ótti. Jarysqa 11 qysqy sport túri boıynsha 18 oblystan kelgen sportshylar qatysty. Jalpy komandalyq esepte ShQO komandasy 536 upaımen 2-oryn aldy. Sondaı-aq, bıyl óńirdiń 300 sportshysy 35 halyqaralyq týrnırge qatysady dep josparlanyp otyr», - dedi Jandos Saıhanov.