Shyǵys Qazaqstan oblysynda belgisiz bireý mektepke «bomba qoıdy»

ÓSKEMEN. QazAqparat – Shyǵys Qazaqstan oblysy Altaı aýdanynda polıtseılerge mektepke jarylǵysh zat qoıylǵany týraly jalǵan habar tústi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Altaı aýdandyq polıtsııa bólimine qońyraý shalǵan belgisiz azamat mektepterdiń birine bomba qoıylǵandyǵy týraly habar bergen.

«Tártip saqshylary dereý oqıǵa ornyna attandy. Alaıda bul habar jalǵan bolyp shyqty. Tekserý barysynda bilim ordasynan eshqandaı jarylǵysh zat tabylmaǵan. Atalǵan fakti boıynsha QR Qylmystyq Kodeksiniń 273-babyna (terrorızm aktisi týraly kórineý jalǵan habarlaý) sáıkes sotqa deıingi tergeý amaldary bastaldy», - delingen aqparatta.

Qazirgi ýaqytta jalǵan habar bergen adamnyń kim ekeni anyqtalyp jatyr.