Shyǵys Qazaqstan oblysynda aýa-raıynyń nasharlaýyna baılanysty barlyq kólik túrleri úshin jol qozǵalysy jabyldy
ASTANA. Qańtardyń 7-si. QazAqparat - Búgin tańǵy saǵat 7-den bastap qarly boran turýyna oraı «Kúrshim-Qaljyr» jáne «Semeı-Qaraýyl» baǵyttary boıynsha barlyq kólik túrlerine jol qozǵalysy jabyldy.
Bul aqparatty elimizdiń Tótenshe jaǵdaılar mınıstrliginiń baspasóz qyzmeti taratty.
Esterińizge sala keteıik, keshe, qańtardyń 6-synda kóktaıǵaq pen borannyń saldarynan Pavlodar oblysy baǵytyndaǵy jol qozǵalysy barlyq kólik túrleri úshin jabylǵan bolatyn. Al qańtardyń 5-inde «Qaraǵandy-Pavlodar» jáne «Qaraǵandy-Qarqaraly» baǵyttary boıynsha kólikter úshin jol qozǵalysy jabylǵan edi.
