Shyǵys Qazaqstan oblysynda alǵashqy úsik júredi
ÓSKEMEN. QazAqparat - Shyǵys Qazaqstan oblysynda kúzge alǵashqy úsik júredi, dep habarlaıdy QazAqparat.
Shyǵys Qazaqstan oblystyq tótenshe jaǵdaılar departamenti «Qazgıdromet» RMK habarlamasyna silteme jasap, óńirde aýa raıyna baılanysty eskertý jarııalady. 2-3 qyrkúıek kúnderi kún sýytady. Túnde aýa temperatýrasy Tselsıı boıynsha 3 gradýsqa deıin kúrt tómendep ketýi yqtımal.
Búgin óńirde kún ala bultty, oqtyn-oqtyn jańbyr jaýady. Tús aýa jaýyn-shashyn mólsheri artýy múmkin. Aýa temperatýrasy - 16 gradýs.
Óńirde qubylmaly aýa raıy saqtalyp otyrǵanyna aptadan asty. Keı kezderi aýa temperatýrasy tómendese, keıde kún kúrkirep, jel údeı tústi. Ózen-kólderde sý deńgeıi kóterilip jatyr.
