Shyǵys Qazaqstan oblysynda 600-den astam nysan Ashyq jobasyna qatysýda
Elimizde 26 sáýirde iske qosylǵan Ashyq jobasy bıznes sýbektilerinde koronavırýs ınfektsııasynyń taralý qaýpin azaıtýǵa baǵyttalǵan.
Arnaıy jasalǵan qosymsha PTR-diń jalpy bazasymen biriktirilgen.
Bul ár azamattyń qaýipti dertke shaldyqqanyn nemese aýyrǵandarmen baılanysta bolǵanyn anyqtaýǵa múmkindik beredi.
Qazirgi ýaqytta óńir boıynsha 617 nysan atalǵan jobaǵa qatysýda. Onyń ishinde 152-si test rejıminde jumys istep jatyr.
«Oblysta QR-kodtar («check-in») boıynsha eń kóp kiretin 30 uıym anyqtaldy. Atap aıtqanda, Óskemen qalasynda - 15 qoǵamdyq tamaqtandyrý orny, 1 kınoteatr («MaxOn Cinema» kınoteatry) jáne 1 bılıard klýby («Imperııa» bılıard klýby»), Semeı qalasynda - 9 tamaqtaný orny, 2 fıtnes-zal, Abaı atyndaǵy teatr jáne «Qazyna Cinema» kınoteatry bar», - deıdi oblystyq kásipkerler palatasynyń dırektory Qaırat Mamyrbaev.
Óskemen jáne Semeı shaharlary qazir «sary» aımaqta ornalasqandyqtan, bul nysandar «jasyl» aımaqtyń talaptary boıynsha jumys isteı alady.
