Shyǵys Qazaqstan oblysynda 60-qa jýyq adam qos azamattyqpen júrgen
ShQO polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda qos azamattyǵy bar adamdardy anyqtaý boıynsha jumysty jalǵastyryp jatyr.
«Zań boıynsha basqa eldiń azamattyǵyn alýdy uıǵarǵan adam eń áýeli qazaqstandyq azamattyqtan bas tartýy qajet. Ol úshin 30 kún merzim ishinde ishki ister organdaryn ózge memlekettiń azamattyǵyn alýdy josparlaǵanyn habarlap, QR pasporty men jeke kýáligin tapsyrýy qajet. Ókinishke qaraı, Shyǵys Qazaqstannyń keıbir turǵyndary bul rásimdi elemeıdi. Sondyqtan qos azamattyq faktileriniń ósýi baıqalady. Máselen, 2022 jyly ShQO PD Kóshi-qon qyzmeti qos azamattyqpen júrgen 60-qa jýyq adamdy anyqtaǵan. Al osy jyldyń qańtarynda quqyq qorǵaý organdary osyndaı 6 quqyq buzýshyny tirkedi», - delingen aqparatta.
Vedomstvo dereginshe, qos azamattyqtyń birneshe sebebi bar.
Atap aıtqanda, karantındik shekteýler kezeńinde memlekettik shekaradan kedergisiz ótý, tótenshe jaǵdaılar týyndaǵan jaǵdaıda shuǵyl emıgratsııa múmkindigi, materıaldyq artyqshylyqtar alý, atap aıtqanda zeınetaqy esebi, balalar týǵan kezdegi járdemaqy jáne joǵary oqý oryndaryna túsý kezinde jeńildik jaǵdaılary.