Shyǵys Qazaqstan oblysynda 470 qarý zańsyz aınalymnan alyndy
ÓSKEMEN. QazAqparat – Shyǵys Qazaqstan oblysynda jyl basynan beri zańsyz aınalymnan 470 qarý tárkilengen, dep habarlaıdy QazAqparat tilshisi.
Óńirde atys qarýyn qoldanýǵa qatysy bar 21 qylmys tirkeldi. Onyń ishinde 12 jaǵdaıda qarý-jaraq zańsyz saqtalǵan.
Tártip saqshylary barlyq faktiler boıynsha tergeý amaldaryn júrgizdi.
«Qylmystyń aldyn alý maqsatynda bıyl oblys aýmaǵynda eki ret «Qarý» sharasy qolǵa alynǵan. Sonyń nátıjesinde 9 myńnan astam sharýa qojalyǵy tekserildi. Polıtseıler qarýdy zańsyz saqtaýdyń 125 faktisin anyqtaǵan. Azamattyq qarý ıelerine 25 myń tekserý júrgizildi» deıdi ShQO PD bastyǵy Saǵat Mádıev.
Onyń aıtýynsha, jyl basynan beri 470 qarý-jaraq zańsyz aınalymnan tárkilengen. Onyń ishinde 72 myltyq, 1365 oq-dári jáne 2 keli jarylǵysh zat bar.
