Shyǵys Qazaqstan oblysynda 3 myńǵa jýyq balanyń tilegi oryndaldy

ÓSKEMEN. QazAqparat – Shyǵys Qazaqstan oblysynda «Júrekten júrekke» qaıyrymdylyq aktsııasy aıasynda 3 myńǵa jýyq balanyń tilegi oryndaldy, dep habarlaıdy QazAqparat tilshisi.

Búgin Halyqaralyq balalardy qorǵaý kúninde úsh aıǵa sozylǵan «Júrekten júrekke» qaıyrymdylyq aktsııasy aıaqtaldy. 2016 jyldan beri Shyǵys Qazaqstan oblysynyń Bilim berýdegi jańa tehnologııalar ortalyǵy qaıyrymdylyq aktsııasyn ótkizip keledi. Aktsııanyń alty jylynda búldirshinderdiń 13 myń tilegi oryndaldy. Bıyl balalardy qýantý 1 naýryzdan bastalǵan.

«Aktsııa barysynda Tylek.kz saıtynda erekshe qajettilikteri bar balalar men jasóspirimderden, kópbalaly jáne az qamtylǵan otbasylardan, ata-ájeleri qamqorshy jáne ata-analary múgedek balalardan 2944 tilek hattar ornalastyrylyp, oryndaldy», - dep habarlady ShQO Aqparat ortalyǵynan.

Shyǵysqazaqstandyq baldyrǵandar hattarynda ártúrli ótinishterin bildirgen. Onyń ishinde qýyrshaqtar, velosıped, konkı, shańǵy, kıim-keshekter, oqý quraldary men keńse taýarlary da bar. Oblystyń janashyr halqynyń arqasynda balalar barlyq qalaǵan syılyqtaryn aldy. Eń belsendi demeýshiler oblystyq Bilim basqarmasynyń alǵys hattarymen marapattaldy.