Shyǵys Qazaqstan oblysynda 3 apatty sý qoımasy qalpyna keltiriledi
«Bıyl apatty sý qoımalary men gıdrotehnıkalyq qurylystardy qaıta jańartý jumystary jalǵasady. 2022 jyldyń sońyna deıin Shyǵys Qazaqstan oblysynda 3 apatty sý qoımasy qalpyna keltiriledi. 9 jańa sý qoımasyn salý aıasynda 2025 jylǵa deıin Qyzylorda oblysynda Qaraózek sý qoımasynyń qurylysy bastalady jáne 5 jobalaý-smetalyq qujattama ázirleý aıaqtalady. Respýblıkalyq bıýdjet esebinen jáne halyqaralyq qarjy uıymdarynyń qaryzdary esebinen 1 720 shaqyrym magıstraldyq jáne sharýashylyqaralyq kanaldar qaıta jańartylady. Bul 80 myń gektardy qalpyna keltirýge jáne 24 myń gektar sýarmaly jerdi sýmen qamtamasyz etýdi jaqsartýǵa múmkindik beredi», - dedi ol mınıstrliktiń alqa májilisinde.
Sondaı-aq, vıtse-mınıstr kanaldardaǵy shamamen 14 myń gıdrotehnıkalyq qurylys qalpyna keltirilip, 676 shaqyrym kollektor rekonstrýktsııalanatyn bolady. 23 kanal tsıfrlandyryldy.
«Joǵaryda atalǵan is-sharalardy iske asyrý nátıjesinde jyl saıynǵy sý shyǵyny 458 mln mln tekge metrge azaıtylady. Sondaı-aq, Qaraǵandy, Qyzylorda jáne Soltústik Qazaqstan oblystarynda uzyndyǵy 194 shaqyrym toptyq sý qubyrlaryn salý men qaıta jańartýdyń 5 jobasy boıynsha jumys júrgizilýde. Bul halqynyń sany 300 myń adamnan asatyn 94 aýyldyq eldi mekendi sýmen qamtamasyz etýdi jaqsartýǵa múmkindik beredi», - dedi Serik Qojanııazov.
