Shyǵys Qazaqstan oblysynda 20 adamdy kene shaqty
ÓSKEMEN. QazAqparat – ShQO densaýlyq saqtaý basqarmasy baspasóz qyzmetiniń málimetine súıensek, naýryz aıynyń aıaǵynan bastap osy ýaqytqa deıin óńir aýmaǵynda 20 adamdy kene shaqqan, dep habarlaıdy QazAqparat tilshisi.
Onyń ishinde Óskemen qalasynda – 12, Glýbokoe, Ulan jáne Altaı aýdandarynda – 2 adam keneden zardap shekken.
«Statıstıka kórsetkendeı, kene entsefalıti epıdemıologııalyq maýsymynda oblys boıynsha kóp jaǵdaıda Óskemen turǵyndary aýrýhanaǵa júginip jatady. Eresekter №4 qalalyq aýrýhananyń qabyldaý bólimine, al balalar Ana men bala ortalyǵynda qaralady. Búgingi tańda jalpy Shyǵys Qazaqstanda zardap shekkenderge jáne kene entsefalıtiniń aldyn alý úshin halyqqa salynatyn ımmýnoglobýlınniń mólsheri jetkilikti», - delingen aqparatta.
Eske salsaq, osyǵan deıin ShQO dárigerleriniń sırek jasalatyn ádispen jas jigittiń aıaǵyn saqtap qalǵany habarlanǵan.
