Shyǵys Qazaqstan oblysynda 2 myńnan astam adamdy kene shaqty
ÓSKEMEN. QazAqparat – Shyǵys Qazaqstan oblysynda sáýir aıynan beri 2400-ge jýyq adamdy kene shaqty, dep habarlaıdy QazAqparat tilshisi.
ShQO sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, sáýir aıynan beri endemııalyq aýmaqtarda 2388 adamdy kene shaqty.
Onyń ishinde 14 jasqa deıingi balalardyń úlesi 30 paıyzǵa jýyqtaıdy.
«Kene entsefalıtine shaldyqqan 2 adam tirkelgen. Eki jaǵdaı da Óskemen qalasynda bolyp otyr. Naýqastar kene shaqqannan keıin medıtsınalyq kómekke júginbegendikten olarǵa kenege qarsy ımmýnoglobýlın salynǵan joq. Qazirgi ýaqytta ekeýi de arnaıy em qabyldaýda», - delingen aqparatta.
Jalpy oblys boıynsha kene shaqqan turǵyndardyń 93%-y kene entsefalıtine qarsy ımmýnoglobýlın alǵan.
