Shyǵys Qazaqstan oblysynda 2 qazaq mektebi salynady
ÓSKEMEN. QazAqparat - Bıyl Shyǵys Qazaqstanda 2 jańa mektep qoldanysqa beriledi, dep habarlaıdyq QazAqparat tilshisi.
Shyǵysta 83 qurylys jobasyn qarjylandyrýǵa 30 mlrd teńge bólingen. Onyń bir bóligi nesıe kózderinen tartylýda. Oblystyń 4 aýdanynda psıhologııalyq-pedagogıkalyq korrektsııa kabıneti ashylmaq. Jańa oqý jylynda Aıagóz qalasy men Úrjar aýdanynyń Maqanshy aýylynda eki mektep qoldanysqa beriledi.
Keler jyly Óskemenniń ózinde 2 qazaq mektebiniń qurylysy bastalmaq. Sondaı-aq, oblys ortalyǵynda 200 oryndyq balalar aýrýhanasyn salý josparlanǵan. «Nurly jer» baǵdarlamasy arqyly Óskemen men Semeıde 6 jaldamaly úı boı kóterýde. Bul maqsatqa 1,6 mlrd teńge qarastyrylǵan. Atalmysh úıler qoldanysqa berilse, 440 otbasy páter kiltin ıelenedi.
Atalmysh baǵdarlama boıynsha ınjenerlik-kommýnıkatsııalyq ınfraqurylymdy jetildirýge arnalǵan 19 joba júzege asýy tıis. Bul maqsatqa bólingen 2,5 mlrd teńge Óskemen, Semeı, Aıagóz qalalarynyń ınfraqurylymyn jaqsartýǵa jumsalmaq.
«Atalmysh qurylystardyń barlyǵy Elbasynyń Joldaýdaǵy nusqaýlaryna sáıkes, salanyń zamanaýı jetistikterin qoldana otyryp júzege aspaq» - delingen oblystyq aqparat ortalyǵy taratqan málimette.
