Shyǵys Qazaqstan oblysynda 14 jastaǵy bala sýǵa batyp ketti
ÓSKEMEN. QazAqparat – Shyǵys Qazaqstan oblysy Zaısan aýdanynda jasóspirim sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 26 mamyrda Zaısan aýdany Keńaral aýdanynda ózennen atpen ótip bara jatqan 2007 jylǵy bozbala sýǵa qulap, batyp ketti.
«Belgili bolǵandaı, ol ákesimen birge atpen tereń ózennen ótpek bolǵan. Qaýipsizdik sharalaryn saqtamaýdyń saldarynan bozbala kóz jumdy. Oqıǵa ornyna jetken jedel qutqarý jasaǵynyń súńgýirshileri onyń denesin alyp shyqty», - dep habarlady vedomstvo ókilderi.
Osy rette, departament mamandary óńir jurtshylyǵyna sý qoımalarynda qaýipsizdik sharalaryn qatań saqtaý qajettigin eskertedi.
