Shyǵys Qazaqstan oblysynda 1 myńǵa jýyq balany kene shaqty
ÓSKEMEN. QazAqparat – Shyǵys Qazaqstan oblysynda kóktem shyqqaly beri 997 balany kene shaqqan, dep habarlaıdy QazAqparat tilshisi.
ShQO Sanıtarııalyq-epıdemıologııalyq baqylaý departamenti baspasóz qyzmetiniń málimetine súıensek, óńir boıynsha sáýir aıynan beri endemııalyq aýmaqtarda 3346 adamdy kene shaqty. Onyń ishinde 14 jasqa deıingi balalardyń sany – 997. Bul keneden zardap shekkender úlesiniń 30 paıyzyna jýyqtaıdy.
«Kene entsefalıtine shaldyqqan 8 adam tirkelgen. Bul naýqastardyń eshqaısysy kene shaqqannan keıin medıtsınalyq kómekke júginbegen. Dárigerlerge ýaqtyly, ıaǵnı úsh kúnnen keshiktirmeı qaralǵan adamdardyń arasynda kene ınfektsııasyn juqtyrǵandar bolǵan joq», - delingen aqparatta.
Kene entsefalıtin emdeý tek statsıonarlyq jaǵdaıda júrgiziledi. Infektsııa juqtyrǵan óńirdiń jeti turǵyny juqpaly aýrýlar aýrýhanalary men bólimshelerine jatqyzylǵan. Patsıentterge arnaıy em-dom taǵaıyndaldy.
Foto: blog.doc.help
