Shyǵys Qazaqstan oblysy Qylmystyq-atqarý júıesiniń qyzmetkerleri men sottalǵandar sý tasqynynan zardap shekkenderge kómektesý aktsııasyn ótkizýde
ASTANA. Sáýirdiń 2-si. QazAqparat /Ǵalymjan Hasenov/ - Shyǵys Qazaqstan oblysy Qylmystyq-atqarý júıesiniń qyzmetkerleri men sottalǵandar Almaty jáne Shyǵys Qazaqstan oblystaryndaǵy sý tasqyndarynan zardap shekkenderdi qoldaý maqsatynda búgin qaıyrymdylyq sharasyn ótkizip jatyr.
Bul týraly Qylmystyq-atqarý júıesi komıtetiniń Shyǵys Qazaqstan oblysy boıynsha basqarmasynan habarlady.
Basqarmanyń baspasóz hatshysy Erken Qasymovtyń aıtýynsha, oblystyń penıtentsıarly júıesiniń qyzmetkerleri, «Eńbek-Óskemen» respýblıkalyq memlekettik kásipornynyń jumysshylary sý tasqynynan zardap shekken Qyzylaǵash aýyly men Tarbaǵataı aýdanynyń aýyldaryna kómektesý sharasyn biraýyzdan qoldap, arnaıy esepshottarǵa aqsha aýdardy. «Eńbek-Óskemen» kásiporny sondaı-aq unmen de kómektespek.
«Apat bótendiki bolmaıdy. Oblystyń túzetý mekemelerindegi óndiristerde jumys isteıtin kóptegen sottalýshylar da birkúndik jalaqylaryn aýdaryp, shama-sharqynsha kómek kórsetýge nıet bildirýde», dep atap kórsetti E.Qasymov.
