Shyǵys Qazaqstan oblysy ákiminiń jańa orynbasary taǵaıyndaldy
Bul qyzmetke buǵan deıin QR Prezıdenti Ákimshiligi memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory qyzmetin atqarǵan Shalqar Baıbekov taǵaıyndaldy, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
Jańa orynbasaryn tanystyrǵan Danıal Ahmetov Shalqar Baıbekovtyń aımaqtaǵy agrarlyq salany damytý jolynda mańyzdy máselelerdi sheshýde óziniń tájirıbesin utymdy paıdalanatyndyǵyna senim bildirdi.
Shalqar Baıbekov 1967 jyldyń 6 aqpanynda Semeı oblysy Abaı aýdanynda dúnıege kelgen. 1996 jyly Qazaqstan memlekettik basqarý akademııasyn «ekonomıst» mamandyǵy boıynsha, Qazaqstan memlekettik zań akademııasyn «zańger» mamandyǵy boıynsha bitirdi.
Eńbek jolyn 1988 jyly Semeı oblysy Jańa Semeı aýdandyq ınspektsııasynda aǵa ınspektor qyzmetinen bastady.
1990 jyldyń shilde aıynan bastap Semeı salyq ınspektsııasy salasynda jumys istedi. 1999 jyly Pavlodar boıynsha, odan keıin Astana jáne Qaraǵandy qalalarynda salyq komıtetiniń tóraǵasy qyzmetin atqardy. 2008-2014 jyldary Astana salyq departamentiniń Esil aýdany boıynsha salyq basqarmasyn basqardy.
