Shyǵys Qazaqstan men Aqmola oblystarynda 1 myń ga alqap órtenip jatyr
NUR-SULTAN. QazAqparat –Shyǵys Qazaqstan jáne Aqmola oblystarynda dala órti órship tur. Bul týraly «QazAqparat» QR Іshki ister mınıstrligi Tótenshe jaǵdaılar komıtetine silteme jasap habarlaıdy.
«9 tamyz kúni saǵat 20:00-de Shyǵys Qazaqstan oblysynyń tótenshe jaǵdaılar departamentine Kúrshim aýdany Quıǵan aýylynan 15 shaqyrym jerde dalaly alqap órtenip jatqany týraly habarlama kelip tústi. Shamamen 800 gektar aýmaqta qurǵaq shóp órtengen. Departament janynan jedel shtab qurylyp, tilsiz jaýdy aýyzdyqtaýǵa 39 adam men 9 arnaıy tehnıka jumyldyryldy», – deıdi Tótenshe jaǵdaılar komıtetiniń resmı ókili Nursultan Nurahmetov.
Sondaı-aq 9 tamyz kúni saǵat 10:20-da Aqmola oblysynyń Tótenshe jaǵdaılar departamentine Ereımentaý aýdany Qoıtas aýyldyq okrýginiń Masaqpaı mal jaıylym ýchaskesindegi dala órti týraly habarlama túsken. Munda 280 gektarda qurǵaq shóp tutanǵan.
«Órtti sóndirýge oblystyń tótenshe jaǵdaı qyzmetiniń jeke quramynan 52 adam jáne 12 tehnıka, orman sharýashylyǵy qyzmetinen 14 adam jáne 3 tehnıka, jergilikti atqarýshy organdardyń órtke qarsy erikti qurylymdarynan 120 adam jáne 22 tehnıka tartyldy», - deıdi Nursultan Nurahmetov.
