Shyǵys Qazaqstan men Abaı oblystarynyń úzdik taýar óndirýshileri anyqtaldy
Óskemen qalasynda «Qazaqstannyń úzdik taýary» konkýrs-kórmesiniń óńirlik kezeńi ótti. Oǵan Shyǵys Qazaqstan men Abaı oblystarynyń úzdik taýar óndirýshileri qatysqan.
Kórmede barlyǵy 80-ge jýyq taýar óndirýshi óz ónimderin usyndy. Sharanyń uıymdastyrylýyna oblystyq Kásipkerler palatasy muryndyq bolyp otyr.
«Ár ýaqytta ShQO-nyń alty kásiporny konkýrs laýreattary atanyp kele jatyr. Bıyl qazylar alqasy úsh nomınatsııa boıynsha úsh jeńimpazdy anyqtady . «Óndiristik maqsattaǵy úzdik taýarlar» nomınatsııasynda «SP get» JShS, «MЅK GROUP KZ», «Kazelektromash» JShS kompanııalary jeńimpaz atandy. «Halyqqa arnalǵan úzdik taýarlar» nomınatsııasynda «Keremet JK», «Terra Vıta» JShS, «Roza kıiz basý kombınaty» JShS úzdik boldy», - dedi ShQO ákimi Danıal Ahmetov.
«Úzdik azyq-túlik taýarlary» nomınatsııasynyń kóshbasshylary bolyp «ARNNA MINERALS» JShS, «Bagratıon Ulan» JShS, «Buqtyrma ýyldyryq shashý-ósirý sharýashylyǵy» JShS tanyldy.
«Endi aldaǵy respýblıkalyq baıqaýǵa ShQO-nyń atynan 9 kásiporyn qatysady. Atalǵan is-sharalar otandyq ónimdi ilgeriletýge jáne bıznesmender arasyndaǵy áriptestik qatynastardy nyǵaıtýǵa yqpal etetinin atap ótkim keledi», - dedi aımaq basshysy.
