Shyǵys Qazaqstan men Abaı oblystarynda ekinshi aýysymdaǵy oqýshylar qashyqtan oqıdy

ÓSKEMEN. QazAqparat – Shyǵys Qazaqstan jáne Abaı oblystaryndaǵy birqatar qala, aýdanda ekinshi aýysymdaǵy oqýshylar onlaın formatta bilim alady, dep habarlaıdy QazAqparat tilshisi.

Abaı oblysy ákimdiginiń málimetine súıensek, aýa raıynyń qolaısyzdyǵyna baılanysty Semeı qalasynda ekinshi aýysymdaǵy 1-4 synyp oqýshylary sabaqty qashyqtan oqıdy. Sondaı-aq Borodýlıha, Besqaraǵaı aýdandaryndaǵy 1-11 synyp oqýshylary mektepke barmaıdy. Qalǵan aýdandarda oqýshylar úshin sabaq dástúrli formatta ótedi.

ShQO Tótenshe jaǵdaılar departamenti baspasóz qyzmetiniń dereginshe, Óskemen qalasynda ekinshi aýysymdaǵy 1-11 synyp oqýshylary onlaın formatta bilim alady.

Eske salsaq, búgin tańerteń eki oblystyń birqatar qala, aýdanynda oqýshylar mektepke barmaǵan.