Shyǵys Qazaqstan, Qaraǵandy, Pavlodar oblystary ǵylymdy qajetsinetin óndiris ortalyqtaryna aınalady - Prezıdent
«Elimizdiń aýmaqtyq jáne keńistik damýy ádisterin aıtarlyqtaı qaıta qurylymdaý qajet. Óńirlerimiz ekonomıkalyq jáne óndiristik erekshelikter, memlekettik qyzmetter sapasy men óńir deńgeıi boıynsha ózgeleshenedi. Sondyqtan aýmaqtyq damýdy ártúrli óńirlerdiń básekelestik basymdyǵyn eskere otyryp qalyptastyrǵan jón. Eldiń ońtústiginiń, ońtústik-shyǵysynyń ónerkásip áleýetin belsendi túrde ashý qajet. Bul jerlerde memlekettik eńbek resýrstarynyń jartysy shoǵyrlanǵan. Sapaly jumys oryndary atalǵan óńirlerdi damytý úshin barynsha mańyzdy. Óńirlerde dástúrli agrarlyq sektordy qoldaýmen qatar aýyl sharýashylyǵy ónimderin,tereń óńdeýge, toqyma ónerkásibine, qurylys materıaldary óndirisine nazar aýdar kerek», - dedi Memleket basshysy.
QR Prezıdentiniń atap ótýinshe, ındýstrıalandyrý áleýmettik máselelerdi sheshý jáne tabys deńgeıin arttyrý úshin ǵana kerek emes. Ol azamattardyń jańa mentaldylyǵyn qalyptastyryp, olardy jańa álemge beıimdeıdi. Al bul ulttyń básekege qabilettiliginiń faktory sanalady.
«Іri metallýrgııalyq kásiporyndar jumys istep turǵan óńirlerdi damytýda jańa kózqaras talap etiledi. Bul - birinshi kezekte Shyǵys Qazaqstan, Qaraǵandy, Pavlodar oblystary. Bul óńirler joǵary tehnologııalyq, ǵylymdy qajetsinetin óndiris, tehnıkalyq qyzmet kórsetý ortalyqtaryna aınala alady. Qazaqstannyń batys óńirleri munaı-gaz kesheni qurylysyna ınvestıtsııa tartýdyń, joǵary shekti jańa óndiris tsıkldaryn qurýdyń ortalyǵyna aınalýy tıis. Bizdiń monoqalalardyń ekinshi tynysyn ashý mańyzdy. Bul jerde qala quraýshy kásiporyndarǵa úlken jaýapkershilik júkteledi. Bul mindet olardyń belsendi qatysýynsyz oryndalmaıdy», - dedi Qasym-Jomart Toqaev.
