Shyǵys Qazaqstan halqy Abaı oblysyna 15 tonna gýmanıtarlyq kómek jiberdi
ShQO Aqparat ortalyǵynyń málimetine súıensek, óńir turǵyndary Abaı oblysynyń halqyna arnap azyq-túlik, dári-dármek, jeke gıgıena quraldary men ydys-aıaqtar jınastyrǵan.
Barlyǵy 15 tonna kómek jóneltildi. Bul órt bastalǵaly beri Shyǵys Qazaqstannan jiberilgen úshinshi gýmanıtarlyq kómek.
Tilsiz jaýmen kúresip jatqan órt sóndirýshiler ashytylǵan sút ónimderin jiberýdi suraǵan. Sondyqtan «Bagratıon» seriktestiginiń qoldaýymen bir tonna sút pen aıran jetkizilmek.
«Shyǵys Qazaqstan turǵyndary qıyndyqqa tap bolǵandarǵa eshqashan beı-jaı qaramaıdy. Bizdiń ýnıversıtetter granttar bólýde, uıymdar, memlekettik organdar bir kúndik jalaqyny aýdarýda. Búgingi tańda QR Bilim jáne ǵylym mınıstrligi janyndaǵy volonterlerdiń respýblıkalyq front-keńsesi arnaıy qaıyrymdylyq shot ashty. Áli de qoǵamdyq jáne úkimettik emes uıymdar jáne basqa da qamqor turǵyndar tarapynan gýmanıtarlyq kómek jınalyp jatyr. Sol úshin biz óz jerlesterimizge shynaıy alǵysymyzdy bildiremiz», - deıdi ShQO volonterleriniń front-keńsesiniń basshysy Danııar Júnisov.
