Shyǵys Qazaqstan dıqanshylary sý tapshylyǵynyń zardabyn tartyp otyr

ÓSKEMEN. QazAqparat – Shyǵys Qazaqstan oblysynyń dıqanshylary sý tapshylyǵyn sezinýde, dep habarlaıdy QazAqparat tilshisi.

ShQO aýyl sharýashylyǵy basqarmasynyń málimetine súıensek, respýblıkadaǵy sý aıdyndarynyń 30 paıyzǵa jýyǵy Shyǵys Qazaqstanda shoǵyrlanǵan.

Alaıda soǵan qaramastan óńir dıqandary egistik jerlerin sýarý úshin sý tapshylyǵyn sezinip otyr.

«Soǵan oraı aldaǵy úsh jylda gıdrotehnıkalyq qurylystardy retke keltirýdi jáne ylǵaldy az jumsaıtyn agrotehnologııalardy engizýdi kózdep otyrmyz. Sý tapshylyǵynyń sebebi – magıstraldyq jáne sharýashylyq aralyq kanaldardyń qanaǵattanarlyqsyz jaǵdaıy, «Qazsýshar» mekemesi oblystyq fılıalynyń balansynda turǵan tórt gıdrotehnıkalyq qurylysty qaıta jańǵyrtý jumystarynyń aıaqtalmaýy», - deıdi basqarma basshysynyń mindetin atqarýshy Ramıl Saǵandyqov.

Jalpy oblys boıynsha 84,8 myń gektar sýarmaly jer bolsa, is júzinde onyń 17 myń gektary ǵana paıdalanylýda.

Ótken jyly shamamen alty myń gektar alqapta sý únemdeý tehnologııasy qoldanyldy.

Naqty aıtqanda, 5,4 myń gektar jańbyrlatyp, 0,8 gektar tamshylatyp sýaryldy.

Shyǵys Qazaqstanda osyndaı ádistermen júgeri, kartop, kókónis, soıa, kúnbaǵys syndy daqyldar ósiriledi.