Shyǵys Qazaqstan: Depýtattar azamattardy qabyldap, eńbek ujymynda kezdesýler ótkizedi

ASTANA. 10 sáýir. QazAqparat - Búgin 10 sáýir kúni Qazaqstan Respýblıkasy Parlamenti Májilisiniń depýtattary,

«Nur Otan» HDP fraktsııasynyń músheleri Janat Jarasov, Nıkolaı Kýzmın jáne Svetlana Ferho Semeı qalasyndaǵy «Nur Otan» partııasy fılıalynyń keńsesinde azamattardy jeke máseleler boıynsha qabyldap, saılaýshylardyń talap-tilekterine nazar aýdardy.

Sonymen qatar búgin depýtat J.Jarasov Semeı qalasynyń Ulttyq qaýipsizdik komıtetiniń departamenti basqarmasynyń jeke quramymen jáne Semeı qalasynyń shekaralyq baqylaý jasaǵynyń jeke quramymen kezdesýler ótkizedi.

Kezdesýlerde parlamentshiler Qazaqstan Respýblıkasynyń Prezıdenti Nursultan Nazarbaevtyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnaǵan Joldaýy jáne besinshi parlamenttik shaqyrylym bastalǵan sátten bergi ózderiniń zań shyǵarýshylyq qyzmetteri týraly túsinik berýde.

Sondaı-aq jaqynda Qazaqstanda kúshine engen «Qazaqstan Respýblıkasynyń ulttyq qaýipsizdigi týraly» jáne «Qazaqstan Respýblıkasynyń arnaýly memlekettik organdary týraly» Zańdary tóńiregindegi oılarymen de bólisetini qarastyrylǵan.

Erteń 11 sáýirde, depýtat Janat Jarasov Óskemen qalasynda ótetin turǵyn úı-komýnaldyq sharýashylyq máseleleri jónindegi dóńgelek ústelge qatysýdy jáne «Úlbi metallýrgııa zaýyty» jáne «Qazmyrysh» óndiris ornynyń eńbek ujymymen kezdesýdi josparlap otyr.

Sonymen qatar depýtat oblystyń aýdandaryn aralaıdy.