Shyǵys Qazaqstan aýmaǵyndaǵy ormandarǵa barýǵa shekteý qoıylady

ASTANA. QazAqparat – Jaz kúnderi turǵyndardyń Shyǵys Qazaqstan oblysy aýmaǵyndaǵy orman alqaptaryna barýyna tyıym salynýy múmkin. Bul týraly Ashyq NQA portalynda jarııalanǵan oblys ákiminiń qaýly-jobasynda jazylǵan, dep habarlaıdy QazAqparat tilshisi.

«Orman zııankesteri men aýrýlaryna qarsy kúres jónindegi avıahımııalyq, avıabıologııalyq jáne aerozoldik is-sharalar ótkiziletin jaǵdaılarda, sondaı-aq ormanda órt qaýpi joǵary bolatyn kezeńde jeke tulǵalardyń memlekettik orman qory aýmaǵynda bolýyna tyıym salynsyn jáne orman paıdalaný quqyǵy shektelsin», - delingen oblys ákiminiń qaýlysynda.

Qujatta jazylǵandaı, atalǵan baǵyttaǵy jumystar bastalar aldynda turǵyndarǵa habarlandyrý jasalady. Jalpy, shekteý 29 sáýir men 1 qarashaǵa deıingi merzimge engizilip otyr.

Qaýly-jobasy 29 maýsymǵa deıin kópshilik talqylaýda bolady. Keıin ákim qol qoıyp, resmı jarııalanǵannan 10 ótip baryp kúshine enedi.

Eske sala keteıik, mundaı shekteý buǵan deıin Jambyl, Qostanaı jáne Batys Qazaqstan oblystarynda engizilgen bolatyn.