Shyǵys Qazaqstan ataýyn «Altyn Altaı» dep aýystyrý usynyldy
ÓSKEMEN. QazAqparat - Óskemende ótip jatqan «Altaı - túrki áleminiń altyn besigi» atty halyqaralyq konferentsııada Shyǵys Qazaqstannyń ataýyn Altyn Altaı degen atqa aýystyrý usynyldy, dep habarlaıdy QazAqparat tilshisi.
Konferentsııanyń plenarlyq otyrysynda sóz alǵan akademık Ǵarıfolla Esim «Altyn adamnyń» túr-túri tabylyp jatqan Shyǵys Qazaqstanǵa Altyn Altaı ataýy jarasady degen pikir aıtty.
«Tonalyp jetken altynnyń ózi úlken baılyq. Altyn adam arhetıp qana emes, ol altyn ıdeıa. Elbasy Ońtústik Qazaqstan oblysyn Túrkistan qylyp ózgertti. Maǵjan aqyn bul óńirdi Altyn Altaı dep jyrǵa qosqan. Elbasy jolymen Shyǵys Qazaqstan oblysyn Altyn Altaı dep atasa, keremet bolar edi. Batys Qazaqstan jurty ózderin Aq Jaıyq dep ataýdy baıaǵydan usynyp keledi. Sondyqtan bul óńirge Altyn Altaı degen ataý jarasady» - dedi fılosof.
