Shyǵys Qazaqstan ártisteri onlaın kontsertterge shaqyrady
Óńirde «Rýhanı jańǵyrý» baǵdarlamasy aıasynda 2017 jyldan beri «Ertistiń mýzyka álemi» atty joba júzege asyrylýda. Mundaǵy maqsat - shyǵysqazaqstandyq kompozıtorlar men ánshilerdiń týyndylaryn halyq arasynda keńinen taratý. Osy joba boıynsha oblystyq, respýblıkalyq jáne halyqaralyq deńgeıdegi kóptegen is sharalar ótkizilýde. «Ertis kontsert» kommýnaldyq memlekettik qazynalyq kásipornynda kásibı horeografııalyq ansambl qurylǵan. Sondaı-aq «Big band» atty djaz orkestri men «Álem sazy» atty vokaldyq-aspaptyq ansambl óz jumysyn bastady. Bıyl ShQO-da ótetin sharalardyń deni uly Abaıdyń 175 jyldyǵyna oraı uıymdastyrylady.
«Tótenshe jaǵdaı kezinde de ártister halyqty rýhanı turǵydan qoldaý maqsatynda jumys isteýde. «Biz birgemiz» aktsııasy aıasynda bizdiń ónerpazdar men qazaqstandyq estrada juldyzdarynyń qatysýymen onlaın kontsertter ótkizilip jatyr. Búgin «Álem sazy» VIA men «Ertis kontsert» solısteriniń qatysýymen ótken onlaın kontsert áleýmettik jelilerde jarııalandy», - deıdi «Ertis kontsert» KMQK dırektory Danııar Merǵalıev.
Sondaı-aq qazir «Big band» djaz orkestri kontsertiniń, solıst N.Qabdollaeva men «Altaı» folklorlyq ansambliniń qatysýymen «Shámshige arnaý» atty kontserttiń vıdeojazbalary jasalýda. Budan bólek «Ertis kontsert» solısteri A.Mazkenovanyń fortepıanoda súıemeldeýimen «Mýzyka dlıa dýshı» atty onlaın kontsert ótkizbek.
