Shyǵys Qazaqstan ardagerleri qasıetti jerlerge saıahat jasady

ÓSKEMEN. QazAqparat - Shyǵys Qazaqstannyń eńbek ardagerleri Ulan aýdanyndaǵy ejelgi neolıt keshenine saıahat jasady, dep habarlaıdy QazAqparat tilshisi.

Óńirlik aqparat ortalyǵynyń málimdeýinshe, «Rýhanı jańǵyrý» baǵdarlamasynyń aıasynda oblys ardargerlerine tarıhı jerlerge tegin ekskýrsııa uıymdastyryldy. Tarıhı eskertkishter men petroglıfterge, observatorııalarǵa oblystyń ardagerleri men zeınetkerleri erekshe qyzyǵýshylyq tanytty.

Ulan aýdanynda ejelgi dáýirden syr shertetin kóptegen tasty massıvter, adyrlar, ejelgi petroglıfter men sýretter saıahatshylardyń nazaryn aýdartady.

Neolıt dáýirine tán Aq baýyr ǵıbadathanasy tek shyǵys óńirdiń ǵana emes, búkil Qazaqstannyń tanymal qasıetti oryndarynyń biri. Dál osy jerde adamdar ózderiniń dinı salttaryn jasaǵan. Ekskýrsııa da osy jerden bastaldy.

Odan shyǵyp ardagerler Abylaıket ǵıbadathanasyna bardy.

Al ekskýrsııa sońynda saıahatshylar Sibin kólderine baryp, onda dastarqannan dám tatty, sondaı-aq ardagerlerge arnap mýzykalyq qoıymlymdar qoıyldy.

«Búgin ári tarıhı, ári tanymdyq saıahatqa shyqqanymyzǵa qýanyshtymyz. Osyndaı bastamany qoldaǵany úshin basshylyqqa alǵys bildiremiz. Áli bizdiń kóptegen josparlarymyz bar, aldaǵy ýaqytta Abaı aýdanyna baramyz», - deıdi ShQO ardagerleri keńesiniń tóraǵasy Aıtqazy Sherýbaev,

Ardagerler keńesi ókilderiniń aıtýynsha, osyndaı sharalar qoǵamdyq sanany jańǵyrtýǵa yqpal etip, elimiz tarıhyna úńilýge múmkindik beredi.