Shyǵys Qazaqstan, Aqtóbe, Ulytaý jáne Jetisý oblystarynyń makroekonomıkalyq kórsetkishteri tómen

ASTANA. QazAqparat – Qańtar, aqpan aılarynda Shyǵys Qazaqstan, Aqtóbe, Ulytaý jáne Jetisý oblystarynyń makroekonomıkalyq kórsetishteri ózge óńirlerden tómen bolǵan, dep habarlaıdy QazAqparat tilshisi.

Premer-Mınıstri Álıhan Smaıylov Úkimet otyrysyndaı osylaı dep málim etti.

«Ekonomıkanyń naqty sektory turaqty ósimdi qamtamasyz etti. Óńdeý ónerkásibinde óndiris kólemi - 2,5%, qurylys shamamen 13%, aýyl sharýashylyǵy - 4% jáne qyzmet kórsetý salasy 5% ósti», - dedi Álıhan Smaıylov.

Premer-Mınıstr avtomobıl jasaýda - 46%, lokomotıvter men vagondar óndirisinde - 34% ósim tirkelgenin aıty, muny oń serpin dep baǵalady.

«Sondaı-aq, farmatsevtıka shamamen 17%, hımııa ónerkásibi - 3,5%, jeńil ónerkásip - 34% ósti. Azyq-túlik ónimderin shyǵarý - 10%, mıneraldy ónimder - 8%, daıyn metall buıymdaryn óndirý 12,5% ulǵaıdy. Munaı óńdeý 5,5% ósti.

Elektr energııasynda -4,5%, metall kenderin óndirýde 2,5% ósim tirkeldi.

Qyzmet kórsetý sektorynda aqparat jáne baılanys - 12%, kólik - 6% jáne saýda 11,5% joǵary ósim kórsetti.

Taý-ken óndirýdi qospaǵanda negizgi kapıtalǵa salynǵan ınvestıtsııalardyń kólemi 24% ósti.

Qańtar-aqpan aılarynda búkil negizgi makrokórsetkishter boıynsha Abaı, Batys Qazaqstan, Mańǵystaý, Pavlodar oblystarynda, Almaty jáne Shymkent qalalarynda ósim bar.

Eń tómen kórsetkishter Shyǵys Qazaqstan, Aqtóbe, Ulytaý jáne Jetisý oblystarynda», - dedi Úkimet basshysy.