Shyǵys Qazaqstan ákimderi kólik turaqtaryn keńeıtý boıynsha atqaryp jatqan jumystar týraly baıandady
ASTANA. QazAqparat - Búgin Shyǵys Qazaqstan oblysynyń ákimi Danıal Ahmetov turǵyn úılerdiń mańyndaǵy kólik turaqtary men aýla ishindegi joldardy keńeıtý máseleleri boıynsha keńes ótkizdi, dep habarlaıdy ákimdiktiń baspasóz qyzmetinen.
Óskemen qalasynyń ákimi Erlan Aımuqashev jáne Semeı qalasynyń ákimi Ermak Sálimov óńir basshysyna qurylysy júrgizilip jatqan úılerdiń aýlalaryndaǵy kólik turaqtaryn keńeıtý boıynsha atqaryp jatqan jumystar týraly baıandady.
Búgingi tańda qalalardyń ákimdikteri bir páterge bir jarym kóliktik oryn degen eseppen kólik turaqtaryn jáne aýla ishindegi joldardy jalpaqtyǵy 6 metr etip jobalaýdy bastaǵan.
Oblys basshysynyń tapsyrmasyn oryndaý aıasynda Óskemende salynyp jatqan 13 úıdiń aýlalaryndaǵy kólik turaqtaryn keńeıtip, aýla ishindegi joldardyń enin 6 metrge jetkizý boıynsha sharalar qabyldanǵan.
Mundaı jumystar Semeı, Rıdder, Aıagóz qalalarynda jáne Ulan aýdanynyń Qasym Qaısenov kentinde júzege asyrylýda.
Jalpy, oblysta qurylysy bastalyp keten 18 úıdiń aýlalarynda turaqtar men joldar keńeıtiledi. Aımaq basshysy keleshektegi jobalarda jańa talaptardyń eskerilýin qatań baqylaýǵa alýdy tapsyrdy.
