Shyǵys Ilınkadaǵy bógettiń neden jarylǵany belgili boldy
ASTANA. QazAqparat - Astana qalasynyń otyn-energetıkalyq keshen jáne kommýnaldyq sharýashylyq basqarmasy Shyǵys Ilınkanyń turǵyn úı aýmaǵyndaǵy bógettiń jarylý sebebin atady, dep habarlaıdy QazAqparat tilshisi.
«Ilınkada 600 metr bógetti bekitýimiz kerek. Ol jerde ótken jyly 200 metr aýmaqty sý jyryp ketken bolatyn. «QazAvtoJol» ulttyq kompanııasymen birge qazirgi ýaqytta aınalma joldy salyp jatyrmyz. ıAǵnı, aınalma joldy salý kezinde sý yǵysyp, dambanyń jarylýynyń bir sebebi osy bolǵan», - dedi qalalyq otyn-energetıkalyq keshen jáne kommýnaldyq sharýashylyq basqarmasynyń basshysy Igor Alekseev elordadaǵy kóshpeli brıfıng kezinde.
Basqarma basshysy sondaı-aq, atalmysh máseleni sheshý úshin naqty qandaı sharalar iske asyrylyp jatqanyn tilge tıek etti.
«Qazirgi ýaqytta ol aınalma jolǵa úsh taǵan ornatyldy (sý ótýi úshin). Jol ashylǵannan keıin sý bóget jaratyndaı jınalmaıtyn bolady», - deıdi ol.
Eske sala ketsek, byltyr Facebook áleýmettik jelisindegi «Astana - Chto? Gde? Kogda?» tobynyń múshesi Rámzııa Nurqysheva Shyǵys Ilınka aýylynda bógettiń buzylǵany týraly jazba qaldyrǵan edi. Astana ákimi Baqyt Sultanov ol shaǵymǵa jaýap bergen bolatyn.
Illıýstratsııalyq sýret
