Shyǵys Ilınkada sý tasqynymen kúresý úshin ýaqytsha qorǵaıtyn bóget salynady
ASTANA. QazAqparat - Shyǵys Ilınkada turǵyn úılerdiń sý astynda qalýyn boldyrmaý maqsatynda ýaqytsha qorǵaıtyn bóget salý jumystary qolǵa alyndy. Bul týraly astana.kz saıtyna Tótenshe jaǵdaılar departamentiniń baspasóz qyzmetinen habarlady.
«Esil aýdany boıynsha sý tasqynyna qarsy komıssııasy, Shyǵys Ilınka aýdanyndaǵy sý tasqyny boıynsha qaýipti jerlerde ornalasqan úılerdi aralady. 6 sáýirde Shyǵys Ilınkada Beket ata kóshesinde ornalasqan úılerdi sý almaý úshin Dosmambet jyraý kóshesinde ýaqytsha qorǵanys bógetin salý jumystary bastaldy. Qorǵanys bógetiniń uzyndyǵy búgingi kúni 50 metrdi qurap otyr, 1500 qap qum tóseldi», - dep habarlady vedomstvodan.
Bul jumystarǵa 2 tehnıka men 15 maman jumyldyryldy. Ýaqytsha qorǵanys bógetin salý jumystary jalǵasýda.
Jalpy alǵanda, táýlik ishinde 481 shaǵym, aldaǵy táýlikte 456, al sý tasqyny kezeńi bastalǵaly beri 8145 shaǵym túsken.
Budan basqa, ótken táýlikte 215 tehnıka tartyldy, 13224 m³ sý (kezeńniń basynan 238992 m³) sorylyp shyǵarylǵan. Táýlik ishinde adamdardy qaýipsiz jerge kóshirý júzege asyrylǵan joq.
Vedomstvonyń habarlaýynsha, táýlik ishinde Astana sý qoımasyna 3,44 mln. m³ sý (barlyǵy 145,96) kelgen. Qazirgi ýaqytta tasqyn sýlardyń kelýi azaıǵany baıqalady. Sýdan qutqarý qyzmetiniń mamandarymen Esil ózenin patrýldeý jumystary qolǵa alyndy jáne 2-3 saǵat aralyqpen sý deńgeıi tekseriledi.
Aıta keteıik, Esil ózenindegi sýdyń deńgeıi 45 sm-ge túsken, saıajaılyq uıymdardyń aýmaǵyndaǵy sý 60 metrge sheginip, kemip keledi.
Tasqyn sýlardyń ótýi úshin qazylǵan jol tóseminiń ýchaskeleri qıyrshyq tastarmen jáne iri qummen jabyldy. Jol tósemderin qalpyna keltirý jumystary júrgizildi. 7 sáýirde saǵat 08.00 Beısekova kóshesindegi qozǵalys jandandyryldy.
Al «ıÝbıleınyı» jáne «Gaz apparatýrasy» saıajaıshylar uıymdaryndaǵy sýdyń deńgeıi tómendep keledi. Esil aýdanynyń TJB mamandary aýlalardy aralap, jaǵdaıdy óz baqylaýyna aldy.
