Shyǵys Eýropanyń úzdik boksshylary reıtıngisinde Golovkın Klıchkodan keıingi ekinshi orynǵa jaıǵasty
ASTANA. QazAqparat - WBA jáne IBO nusqasy boıynsha orta salmaqtaǵy álem chempıony qazaqstandyq boksshy Gennadıı Golovkın Shyǵys Eýropanyń 10 úzdik bylǵary qolǵap sheberi reıtıngisinde ekinshi orynda tuǵyrlandy.
Bul reıtingti amerıkalyq «Bleacher Report» sport portaly qurdy, dep jazady Vesti.kz. Kásipqoı rıngte G. Golovkın 29 kezdesý ótkizip, barlyǵynda da jeńiske jetti jáne onyń 26-syn nokaýtpen aıaqtady. Qazaqstandyq sportshy álemniń qazirgi kezdegi barlyq chempıondary arasynda úzdik nokaýtshy bolyp tanyldy.
Atalǵan reıtıngte birinshi oryndy WBA, WBO, IBF jáne IBO nusqalary boıynsha aýyr salmaqtaǵy álem chempıony ýkraındyq Vladımır Klıchko ıelendi. Sonymen qatar tizimdegi úshtikke WBO nusqasy boıynsha jartylaı aýyr salmaqtaǵy álem chempıony reseılik Sergeı Kobalev endi.
