Shyǵys Eýropada Hyperloop dybystan ushqyr poıyzyn iske qosady
ASTANA. QazAqparat - Hyperloop Transportation Technologies kompanııasy Slovakııa úkimetimen Bratıslavany Venamen jáne Býdapeshtpen jalǵaıtyn dybystan ushqyr kólik júıesin qurastyratyny týraly shartqa qol qoıǵanyn málimdedi. Bul týraly Mashable habarlady.
Qazir Slovakııa astanasynan Avstrııa astanasyna avtomobılmen jetý bir saǵat - Hyperloop muny 8 mınýtqa qysqartady. Budan basqa, pılottyq joba Eýropany jańa tehnologııaǵa tartý maqsatynda qolǵa alyndy.
Mashable jýrnalısteriniń suraqtaryna jaýap bergen kompanııa basshysy Dırk Alborn (Dirk Ahlborn) slovakııalyq Hyperloop taıaýda paıda bolatynyn aıtty. Alaıda Alborn naqty ýaqytyn málimdemedi. Áli de naqtylanbaǵan biraz mańyzdy faktorlar baryn alǵa tartty. Eýroodaq pen slovakııalyq ınvestorlar ókilderimen birlesken otyrystan keıin joba smetasy naqty bekitiledi.
Slovakııa ekonomıkasy Ortalyq Eýropada eń damyǵandar qatarynda bolmasa da, Alborn eldiń mashına jasaý, materıal jasaýda kóshbasshy ekenin atap ótti. Volkswagen Touareg, Audi Q7 jáne Porsche Cayenne jınaqtaý zaýyttary da sol jaqta. Budan basqa, bratıslavalyq AeroMobil fırmasy 2017 jyly ushatyn kólikter shyǵarýdy bastaýdy josparlaýda.
