Shyǵys elderi turǵyndarynyń uzaq ómir súrýiniń qupııasy ashyldy
ASTANA. QazAqparat - Japondyqtardyń uzaq ómir súretini barshaǵa belgili. Kórkeıe túsken shyǵys sulýlary ádemilikke jáne ómir jasyn uzartýǵa tamaqtaný úlken áser etetinin aıtyp berdi, dep habarlady life24.ru.
Degenmen japon dıetin saqtaǵanmen kez kelgen adam tıisti nátıjelerge jete qoıýy ekitalaı. Japonııa men Qytaı turǵyndarynyń ratsıonynda mal maıy bolmaıtyny jasyryn emes. Bul elderde adamdar eýropalyqtar súıetin sút, et, sarymaı, irimshik sııaqty taǵamdardy jemeıdi. Shyǵys adamdary taǵamdarynyń basty ıngredıenti - balyq, onyń kóbin shıkileı jeıdi. Kúnshyǵys eli tamaqqa balyqty ǵana emes, mollıýskilerdi de paıdalanady. Sondaı-aq olardyń ratsıonynda organıkalyq ıod mol teńiz ósimdikteri, sondaı-aq teńiz mıneraldary da bar. aıtalyq, mundaı ósimdikterge sańyraýqulaqtar men baldyrlar jatady.
Árıne, eger eýropalyq adamdar mundaı tamaq túrine aýyssa, óz densaýlyǵyn edáýir nyǵaıtyp, organızmin tazartary sózsiz. Biraq ta ómir sapasyn ózgertip, tamaqtanýdy jaqsartqanymen Eýropa turǵyny qarttyqtan qutyla qoıýy qıyn. Onyń sheshýi genetıkalyq kodta jatyr. Shyǵys elderiniń turǵyndary mundaı ómir saltyn myńdaǵan jyldardan beri ustanady. Sondyqtan da olarda belgili bir genetıkalyq kod paıda bolǵan.
